ജില്ലയിൽ റെഡ് അലർട്ട് എൻ ഊര് പൈതൃക ഗ്രാമത്തിൽ ഇന്ന് സന്ദർശകർക്ക് പ്രവേശനമില്ല

കൽപറ്റ: വയനാട് ജില്ലയിൽ റെഡ് അലർട്ട് പ്രഖ്യാപിച്ച സാഹചര്യത്തിൽ ഇന്ന് തിങ്കളാഴ്ച പൂക്കോട് എൻ ഊര് പൈതൃക ഗ്രാമത്തിലേക്ക് സന്ദർശകർക്ക് പ്രവേശനം ഉണ്ടാവില്ലെന്ന് ചീഫ് എക്‌സിക്യൂട്ടീവ് ഓഫിസർ അറിയിച്ചു. സംസ്ഥാനത്ത് നാളെ മലപ്പുറം, കോഴിക്കോട്, വയനാട്, കണ്ണൂർ എന്നീ നാല് ജില്ലകളിൽ റെഡ് അലർട്ട് പ്രഖ്യാപിച്ചിരിക്കുകയാണ്. എറണാകുളം, ഇടുക്കി, തൃശ്ശൂർ, പാലക്കാട് എന്നീ ജില്ലകളിൽ ഓറഞ്ച് അലർട്ടും, കോട്ടയം, ആലപ്പുഴ, പത്തനംതിട്ട എന്നീ ജില്ലകളിൽ യെല്ലോ അലർട്ടും പ്രഖ്യാപിച്ചു. ഫെംഗൽ ചുഴലിക്കാറ്റിന്റെറെ സ്വാധീന ഫലമായാണ് കേരളത്തിൽ മഴ കനക്കുന്നത്.