പകൽ വീടിന് സൗജന്യമായി സ്ഥലം വിട്ടുനൽകി

എളേറ്റിൽ: കിഴക്കോത്ത് ഗ്രാമപഞ്ചായത്ത് കീഴിൽ വയോജനങ്ങൾക്കായുള്ള പകൽവീട് നിർമ്മാണത്തിന് രാധാകൃഷ്ണൻ മാട്ടുലായിമ്മൽ സ്ഥലം സൗജന്യമായി വിട്ടുനൽകി. പതിനെട്ടാം വാർഡിലെ അദ്ദേഹത്തിന്റെ വസ്തുവിൽ നിന്നും മൂന്നര സെന്റ് സ്ഥലം ഗ്രാമപഞ്ചായത്തിന്റെ പേരിൽ രജിസ്റ്റർ ചെയ്ത രേഖ രാധാകൃഷ്ണൻ  ഗ്രാമപഞ്ചായത്ത് സെക്രട്ടറി അൻസു.ഒ ക്ക്  കൈമാറി.

കിഴക്കോത്ത് ഗ്രാമപഞ്ചായത്ത് വാർഷിക പദ്ധതിയിൽ പകൽവീട് നിർമ്മാണത്തിന് ആവശ്യമായ തുക വകയിരുത്തിയിട്ടുണ്ട്. പതിനെട്ടാം വാർഡിലെ വലിയപറമ്പ് ഭാഗത്താണ് സ്ഥലം വിട്ടു നൽകിയത്.ഈ സാമ്പത്തിക വർഷം തന്നെ പദ്ധതി നടപ്പാക്കുന്നതിനുള്ള നടപടി സ്വീകരിക്കുമെന്ന് ഗ്രാമപഞ്ചായത്ത്  പ്രസിഡണ്ട് സി. കെ സാജിദത്ത് അറിയിച്ചു.

ചടങ്ങിൽ ഗ്രാമപഞ്ചായത്ത് വൈസ് പ്രസിഡന്റ് വി.കെ അബ്ദുറഹിമാൻ മാസ്റ്റർ, ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാർ മംഗലങ്ങാട്ട് മുഹമ്മദ് മാസ്റ്റർ, ജസ്ന അസൈൻ, വഹീദാ കയ്യലശ്ശേരി,വാർഡ് മെമ്പർമാർ പ്രിയങ്ക കരൂഞ്ഞിയിൽ, മുഹമ്മദലി. കെ ,  വി.പി. അഷ്‌റഫ്, നസറി, എ. എസ് സുസ്മിത പങ്കെടുത്തു