പത്താം ക്ലാസ്സ് വിദ്യാർത്ഥി മുങ്ങി മരിച്ചു

പുല്ലുരാംപാറ: പള്ളിപ്പടി കുമ്പിടാൻ കയത്തിൽ പത്താം ക്ലാസ്സ് വിദ്യാർത്ഥി മുങ്ങി മരിച്ചു. പുല്ലുരാംപാറ സെന്റ്.ജോസഫ്‌സ് ഹൈസ്‌കൂൾ പത്താം ക്ലാസ് വിദ്യാർത്ഥിയായ പൊന്നാംങ്കയം ഇരുമ്പുഴിയിൽ  അജയ് ഷിബുവാണ് മരിച്ചത്. ഇന്ന് സ്കൂളിലെ സ്പെഷൽ ക്ലാസിനു ശേഷം ഉച്ചയോടെ കൂട്ടുകാരോടൊപ്പം സ്കൂളിനു സമീപമുള്ള കുമ്പിടാൻ കയത്തിൽ കുളിക്കാനിറങ്ങിയപ്പോഴാണ് അപകടം. പുല്ലൂരാംപാറ കള്ള് ഷാപ്പിലെ ചെത്തുതൊഴിലാളി പൊന്നാംങ്കയം ഇരുമ്പുഴിയിൽ ഷിബുവിന്റെ മകനാണ്. മാതാവ്: സുവർണ്ണ. സഹോദരി: അനഘ. മൃതദേഹം കോഴിക്കോട് മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.

ഇന്ന് (16-03-2025-ഞായർ)  രാവിലെ പോസ്റ്റ്മോർട്ടത്തിനു ശേഷം മൃതദേഹം ബന്ധുക്കൾക്ക് വിട്ടു നൽകും. ഉച്ചയ്ക്ക് ഒരു മണിയോടു കൂടി പുല്ലൂരാംപാറ ഹൈസ്കൂളിൽ എത്തിച്ച് പൊതുദർശനത്തിനു വെക്കും. സംസ്കാരം  ഉച്ച കഴിഞ്ഞ് തിരുവമ്പാടി ഗ്രാമ പഞ്ചായത്തിൻ്റെ ഒറ്റപ്പൊയിൽ പൊതു ശ്മശാനത്തിൽ.