ലഹരി വിപത്തിനെതിരെ നന്മണ്ട പഞ്ചായത്ത് മനുഷ്യച്ചങ്ങല തീർത്തു

നന്മണ്ട : ഇന്ന് കേരള സമൂഹം ഏറെ ചർച്ച ചെയ്യുന്ന ലഹരി വിപത്തിനെതിരെ ഗ്രാമപഞ്ചായത്ത് ഭരണസമിതിയുടെ നേതൃത്വത്തിൽ ബഹുജനങ്ങളെ അണിനിരത്തിക്കൊണ്ട് മനുഷ്യച്ചങ്ങല തീർത്തു. ഗ്രാമപഞ്ചായത്ത് പ്രസിഡൻറ് കൃഷ്ണവേണി മാണിക്കോത്ത്, വൈസ് പ്രസിഡണ്ട് സി കെ രാജൻ, ചേളന്നൂർ ബ്ലോക്ക് പഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ ഹരിദാസൻ ഈച്ചരോത്ത്,കോഴിക്കോട് എക്സൈസ് അസിസ്റ്റൻറ് കമ്മീഷണർ ആർ.എൻ ബൈജു, , ജനപ്രതിനിധികൾ, രാഷ്ട്രീയ സാംസ്കാരിക സംഘടനാ പ്രതിനിധികൾ തുടങ്ങിയവർ നേതൃത്വം നൽകി.

തുടർന്ന് ഇ കെ നായനാർ ഓപ്പൺ സ്റ്റേജിൽ നടന്ന പൊതുസമ്മേളനം ഗ്രാമപഞ്ചായത്ത് പ്രസിഡൻറ് കൃഷ്ണവേണി മാണിക്കോത്ത് ഉദ്ഘാടനം ചെയ്തു. വൈസ് പ്രസിഡണ്ട് സി കെ രാജൻ അധ്യക്ഷനായി. കോഴിക്കോട് എക്സൈസ് അസിസ്റ്റൻറ് അസിസ്റ്റൻറ് കമ്മീഷനർ ആർ എൻ ബൈജു മുഖ്യപ്രഭാഷണം നടത്തി. ഗ്രാമപഞ്ചായത്ത് സെക്രട്ടറി എം ഗിരീഷ് സ്വാഗതവും ഗ്രാമപഞ്ചായത്ത് മെമ്പർ വികെ നിത്യകല നന്ദിയും പറഞ്ഞു.